Çfarë janë prosumatorët apo gjeneratorët për vetëkonsum?

Vet-konsumator i burimeve të Ripërtërishme apo Prosumatori - nënkupton konsumatorin fundor që operon brenda hapësirave të tij të vendosura brenda kufijve të ngushtë, që prodhon energji elektrike të Ripërtërishme për konsum vetanak, si dhe i cili mund të ruajë ose shesë energji elektrike të Ripërtërishme të prodhuar nga vetë ai, me kusht që, për një vetë-konsumator të burimeve të Ripërtërishme jo-familjar, këto veprimtari nuk përbëjnë veprimtarinë e tij kryesore tregtare ose profesionale.

Ka shumë dobi të rëndësishme nga të qenit prosumatorë apo konsumatorë vetëprodhues:

  1. Reduktimi i faturave të energjisë elektrike
  2. Pavarësimi i furnizimit me energji
  3. Trajtimi i ndryshimeve klimatike
  4. Siguria e furnizimit
  5. Rritja e aftësisë konkurruese të biznesit
  6. Mbështetja e punësimit lokal

Kush ka të drejtë të bëhet prosumator apo prodhues për vetëkonsum?

Të drejtë aplikimi ka çdo konsumator fundor i energjisë elektrike i cili është i regjistruar tek Furnizuesi si dhe është i kyçur në nivelin e tensionit të ulët (TU) 0.4kV dhe nivelet e tensionit të mesëm (TM) 6kV, 10kV, 20 kV dhe 35kV.

Për prosumatorët brenda skemave mbështetëse vlejnë kriteret:

  • Konsumatorët rezidencialë (0.4 kV) — kufiri është deri në 7 kW.
  • Konsumatorët komercialë pa matje të fuqisë reaktive (0.4 kV) — kufiri është deri në 15 kW.
  • Konsumatorët komercialë me matje të fuqisë reaktive (0.4 kV) — kufiri është deri në 100 kW.
  • Konsumatorët komercialë të lidhur në nivele më të larta tensioni — kufiri është deri në 200 kW.

 

 

Hapat për tu bërë prosumator në Kosovë:

 

Faza 1: Kërkesa për Pëlqim Elektroenergjetik

  • Aplikacioni për konsumatorë prodhues;
  • Autorizimi i klientit për instaluesin/zhvilluesin e projektit;
  • Licenca e kompanisë projektuese (profili elektroenergjetik), dhe diploma e inxhinierit zhvillues të projektit;
  • Projekti elektrik

 

Faza 2: Aplikoni dhe merrni autorizimin nga Zyra e Rregullatorit të Energjisë (ZRrE-ja) për të fituar statusin e prosumatorit. Për të aplikuar dorëzoni dokumentet në vijim:

  • Pëlqimin për kyçje në rrjet
  • Pëlqimin nga komuna përkatëse (përjashtuar kapacitetet për konsumator familjar deri në 7kW sipas UA nr. 15/2023)
  • Konsumi vjetor i energjisë
  • Vlerësimi vjetor i prodhimit të energjisë (kWh) nga gjeneratori

Faza 3: Kërkesë për Aprovim të Projektit, Leje – Hyrje

  • Projektin Elektrik të kyçjes (2 kopje fizike)
  • Formularin e Leje-Hyrjes
  • Formularin për Aprovim të projektit.

Faza 4: Kërkesa për Pranim Teknik

  • Kërkesën zyrtare për pranimin teknik.
  • PEE dhe zgjidhja teknike;
  • Projekti elektrik i kyçjes i aprovuar nga KEDS;
  • Vendimin i lëshuar nga Zyra e Rregullatorit për Energji (ZRRE);
  • Formulari i Leje-Hyrjes i aprovuar;

Faza 5: MARRËVESHJA PËR KYÇJE ME KEDS

  • Nënshkrimi i marrëveshjes për kyçje mes KEDS dhe prosumatorit

 

Faza 6: Kërkesa për ndërrim të njehsorit

  • Kërkesa bëhet në Njësinë e Përkujdesit në Distriktin përkatës

 

Faza 7: Nënshkrimi i marrëveshjes për vet-konsum me furnizuesin

  • Nënshkrimi i marrëveshjes mes Furnizuesit dhe prosumatorit
not found